ADRODERE


ADRODERE
ADRODERE
vox propria τῶ παραχαρακτῶν, potius τῶ παρατρώκτων, quos des Rogneurs de monoyes Galli dicunt. L. 1. Cod. Theodos. de Ponderat. Emptio venditioque solidorum, quos excidunt aut diminuunt aut (ut proprio verbo uter cupiditatis) adrodunt, tamquam leves eos vel
debiles nonnullos repudiantibus impeditur. Hinc de bello Monetariorum, sub Aureliano, verba faciens Victor, quod Eutropius vitiatis monetis dixit, Suidas, διαφθείραντες νόμισμα, reddit, quod nummariam notam corrosissent Ubi nummariam notam, dixit pro nunmus. Alii nummorum formam: Cato in Distich.
Dilige denari, sed parce dilige, formam.
Non tamen idem penitus, vitiare et corrodere pecuniam: Corrodere enim est exteriorem circulum adrodere; vitiare autem adulterare est: adeoque solâ adrosione seu corrosione ponderis quantitas minuebatur, absque mixtura vilioris metalli, quod fiebat, cum adulterabatur pecunia Sed nec soli παρατρῶκται nummos adrodunt et pondus im minuunt, verum ctiam aerugo id facit et num mos reddit leviores. Cassianus Monachus Collat 1. c. 22. Sive illa, quorum pondus ac pretium aerugo vanitatis arrodens exagio Seniorum adaequari non sinit, ut numismata levia atque damnosa, minusque pensantia recusemus. Idem c. 21. Si meriti eius pondus inanis imminuerit et arroserit gloria: Alibi quoque imminuere et arrodere coniungens. Hinc asperi nummi dicti, quos aerugo nondum adrosisset, in quibus character vetustatc obsoletus et evanidus non esset, sed integer et solide expressus appareret etc. Salmas. ad Vopiscum in Aureliano. c. 38. vide quoque infra Adulterare monetam, voce Moneta, it. Paracharaxima et Stegna.

Hofmann J. Lexicon universale. 1698.

Look at other dictionaries:

  • ADULTERARE — monetam, non idem cum adrodere, ut visum supra.Multis vero modis monetam adulterabant olim hodieque Monetarii, aut miscendo et adulterando inter se metalla, ut aurum argentô, argentum aere, aes plumbô: aut adulterinam monetam clam exercendo, ut… …   Hofmann J. Lexicon universale

  • ASPER — I. ASPER Consul Roman. Ariovindi collega. II. ASPER monetae genus, inprimis Graecis recentioribus, qui Aspros vel Aspra eos appellant, non eô sensu, quô apud Suetonium in Nerone, c. 44. Aurum obryzum et nummum asperum ingenti fastidiô exegit. Hîc …   Hofmann J. Lexicon universale


Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.